سالم البشري=
قلبي تعب من غرابيلـه = أبغى الذي يسمعه ويفيد
والوضع حسّاس لايجيله = واحد وبكره يجيب العيد
قابل البشري=
قلبـك ولابـد تاويـلـه = وعندي لمثلك جواب مفيد
عجّل وعطني تفاصيلـه = قدّام حاله عليـه يزيـد
صلاح المطرفي=
كلـن معـه هـم ويشيلـه = واللي معه هم كيـف يهيـد
بالصبر يسعى فـي تقليلـه = وبالشرح بعض الجروح تزيد
سالم البشري=
قلب العنا زادبـه كيلـه = وعلى المشاعر حكم تأبيد
كيف انقذه من تهاويلـه = لازوّد المسألـه تعقيـد
قابل البشري=
القلب اطلق مراسيلـه = لاتقيده فالأسى تقييـد
يمكن بعدها يلاقي لـه = مايشتهي خاطره ويريد
صلاح المطرفي=
كرس جهودك لتعديله = عساه عن غربلتك يحيد
واللا عنه شوف تحويله = وعن مثله اقطع فجوج البيد
سالم البشري=
ضحّى وغيّر معي ميله = يبغى يشيل العنا تحديد
اش لون أبخس مكاييله = واحمّله حسبة التسديد
صلاح المطرفي=
وفّاك حاول بتعجيله=ومدد حبال الوصل تمديد
والكيف زيّن معاميله=لاسار يستاهل التمجيد