المشاركة الأصلية كتبت بواسطة حمود الحويمضي

مرحبا ترحيبة من طيب قلب وطيب نيه = في حفل راشد و راشد من طويلين اليماني
يالقصير بعد مادارت عليك الشاذليه = دلتن ماوسطها ياغير بن وزعفراني

البقاء عند الرجال اهل الوفاء والشاذليه = والهدف حطوه بين الجدي وسهيل اليماني
انت رجالن توصي ماتبي منا وصيه = الله الله وانتبه للعشر لاترجع ثماني

المثل كد قال مابعد ارمضان الا الضحيه = عارفن عيد الضحيه بعد يعدك يالرمضاني
الحقيقه بالمواقف ماعليك ولاعليه =والقصير بالمواقف باعني ولاشراني

سليمان القصيري

الخليه مابها غير العسل وسط الخليه = والسواني صدرت والحبل من فوق السواني
نشتري بالطيبه مانلتفت يم الرديه =ان وقف معيه دقايق وان وقف معيه ثواني

القضيه كلبوها وفهمو كل القضيه = عطني اعلومك بعد ماغبت من ذاك الزماني
ابتلشنا بالربابه واللحون السامريه = والقصير ظنتي بالوقت بيصيبه جناني

ياقليل المقبليه ياكثير القابليه = غيبتي من دون حرب اقف مواقيف الحصاني
انتبه لاتصير عيه خابرك مانته بعيه = والله اني حاسبك محزم من احساب الخواني

الخلايا ميته معاد فيك الا خليه = مير انا طالبك خفف من طعامك يافلاني
الحقيقه يالقصير ما لقينا لك حليه = وين ماوجهت في دربك على دربه لقاني

حرب ياربعي نقول الضعف نمله فارسيه = وابك ماعلك اللباني ليه ياعلك اللباني