المشاركة الأصلية كتبت بواسطة ناهس الشعيفاني

قالوا جديدك قلت ما مـن جدايـد=الشعر ما له تالي الوقـت خانـه
تورسلـوه مخربيـن القصـايـد=وأصبح مجال الشعر علكة لبانـه
طلاسمٍ بأسبابهـا الشعـر بايـد=ون طولت تقضي على عنفوانـه
خف الجزيل وهابط الشعر سايـد=والجزل شفت الهزل حل بمكانـه
خص اليا طالعت بعض الجرايـد=قنعت منـه وقلـت قفـا زمانـه
مافيه لأصحاب المواهـب فوايـد=من يـوم كـلٍ يسـرج حصانـه
بالمعرفة ناقص وبالجهـل زايـد=ولا كل من غاص البحر جاب دانه
واللي بنات أفكار هجسـة فرايـد=أعلن عزوفه عنه وأطلق عنانـه
وعن ما يعكر صفو جوه محايـد=ما عاد ينطق بالقصايـد لسانـه
لو كان في بدع التماثيـل رايـد=وتحس من نظم البيـوت اتزانـه
وتصخيرها بأسلوب ماهوب كايـد=عنده مدى قدرة وعرف وتكانـه
لكن شاف وعاف سوق المزايـد=وأنا ما الومه لاحتفـظ بالأمانـة
واللوم ما يلحق وسيـع البنايـد=واليا اعتذر معذور من علو شانه
ما عاد باقـي للنـوادر شرايـد=ون كان باقي شي يحسب ذنانـه