يامن له سبوع وإلا أكثر على بالي=فارض حضوره وفكري مالكه كله
رجعتني للغزل والمرقب العالي=ويامل قلبٍ هواء ترف القدم تله
يوم ابتدى منك ما يغني عن المالي=ويوم انتهاء فيك مايفتن هل المله
شلال ليل وسناء صبح وجمر صالي=وجسمن مثل طلقة البلجيك تنظرله
خلاني اقول واوجدي وعـزالي=ماهو رداء حظ بس ظروفنا عله
خلت اكبار الهقاوي تحسد الشالي=الي حجب طلتك ياحي هالطلـه
ماهي ابطلت سماح انور وبسكالي=طلت هنوفٍ فبوها تكثر القله
هذا انت يالعيطموس المترف السالي=هذا انت ولا تراء الباقين لابله
لاكن دقايق عليه واسمع التـالي=ان اقنعك زين ون مايعجبك خله
الصدق ماتنحجب شمسه بغربالي=ونا بقول الصحيح بدقه وجله
غــــلاك جاوز غلاء من قلتله غالي=الا غلاء والدي وحب عبدالله
وان كان جاوتهم ماني برجالي=وحرام ماستاهل اقلط على الدله
هذا الحقيقه وزبدة كل الاقوالي=ونته مخير تعقد الحـبل وتحله
لاكن توكل على الله ونت في بالي=ان جيت حياك ون ودعت معك الله