بعض المغازي يامحمد كنها غزوالعبيد = والناس قالو مايعز القوم غير اخبارها
تكفى يابن ناصر خصيم القوم فليوم الشديد = لاقابل العدوان أبومشعل تضيع أشوارها
صميدعن من فعل كفه يخضع الراس العنيد = زنده يولع نار قومن ماتولع نارها
أهل الحسد واهل البشع والبخل والمد الزهيد = ومن القصى حتى الطراقي ماتمر اديارها
لاشلهبت سود الليالي يطلع العلم الاكيد = يالله عسى بعض الجماعه ماتطول اعمارها
والصاحب اللي مايوجب صاحبه فرقاه عيد = تقصر شبوره مع رجاجيلن طوال اشبارها
اترك قليل الفيد جعله يامحمد مايفيد = هذاك مثل الحيه اللي وازية في غارها
الواحه اللي نهرها جاري وخضرتها تزيد = واثمارهاتذكر وهلها ماتذوق اثمارها
قلته وانا خابرك تدري فلقريب وفلبعيد = لك سمعتن عند النشاما معتلي مقدارها
مادام جدر البيت يافرز الوعى ساسه جويد = خله يطول امع البيوت اللي طويل اجدارها
انص الجبال العالية وضرب بكفن من حديد = حتى جمال اعقبل بلحرة تدق ازوارها
هذا مجرد راي ونته عندك الراي السديد = ترا السعد قدام وخيار العلوم اقصارها