المشاركة الأصلية كتبت بواسطة حـمـد العوفي

سلام ياالعملاق دكتور الابيات = ياشاعر ٍ بالشعر عندك حصانه
ياغازي مغيران ياطيب الذات = ياللي بيوتك كلبوها متانه
ياغازي الايام بيعه وشريات = وكل ٍ يقول انه سبوق ٍ حصانه
وكل ٍ يقول انه صحيح الروايات = والكامل الله ربنا جل شانه
الطايرات تضيق فيها المطارات = ولاادري من استفتي من اهل الديانه
واليوم جيتك وانت صاحب مقالات = لك في صروح الشعر دور ومكانه
والشعر ديوان العرب له علاقات = والشاعر اللي كل شعره تكانه
ماهو على ماقيل تركيب كلمات = شعر ٍ يضيع ولا يجيله ضمانه
ويصورونه في جميع القنوات = ودايم وراء الشاشه مطول لسانه
ومجمع له بالمحافل جماعات = ورصيده التصفيق مع ليل دانه
بينه وبين الشعر عدة مسافات = ماله بقايمة الشواعير خانه
ياليت تعطيني جديد اقتراحات = من مايفيد الشعر في مهرجانه
صحيح ان الشعر معنى الرسالات = لكن غزوه مكثرين الميانه
وجهة نظرك لمثل جيلي شهادات = للعالم الباقي فريد الفطانه
لاصار توه في طريق البدايات = وعنده لخارطة الطريق استبانه
ويعرف يقراء الفاتحه و التحيات = وعنده صلابة راي ماهي ليانه
وانا استشيرك يوم عندك دلالات = وتكسب على قولن تقوله رهانه
ليا حصلي منك بند البيانات = انا اعتبرها راس مال الخزانه
لاني سألتك وانت منصى مهمات = تفتل وتنقض وانت صاحب رزانه
واقبل سلامي مع جزيل التحيات = مخلوط بن الهيل مع زعفرانه