البحر ماكل سباحٍ يعرف يعومه=والموارد تتعب اللي يقصرن حباله
الله إنه يقطع اللي كلمته مقسومه=نصف صدق ونصف كذب ونيته محتاله
تحسبه رجال لامنك سمعت علومه=مايقلد في ( سبيل) اليا سمعت اقواله
يبهر الرجال في شكله وزين هدومه=يعجبك في حد نظراته وكبرعقاله
مير لو تنصاه بالازم لقيته بومه=لو يلم المرجله دوبه ودوب اعياله
ذا سلوم العاالم المعطاه والمحرومه=لعنبو بيتن كبير ولا يظل اظلاله
الصحيح اليا نزل في ديره المهيومه=هام في وادي الهيام وصار با أسوى حاله
ياعسى شبل المراجل ماتغيب نجومه=حسب ماواجهة عندي له مكان لحاله
كل مامريت بيته نيرته مشعومه=مجلسه طول الليالي ماتكف دلاله
ذاك ابو ناصر هديب الشام خيرة قومه=لو همه كبرضلع طويق يضحك باله
عز من ينخاه وقت الحزه المحسومه=أشهد إنه مايشيل الحمل غير جماله
العريني سريته عند العرب مفهومه=كنه القطب الشمالي ثابتٍ منزاله