السلام عليكم ورحمة الله وبركاته
هذا رد الشاعر الكبير/ غازي مغيران الحربي الثاني علي كديميس العصيمي بعد لقاء الساحة
لتحميل القصيده بالصوت
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
[poem=font=",6,sandybrown,bold,normal" bkcolor="darkred" bkimage="" border="double,6," type=2 line=0 align=center use=ex num="0,black""]
بعد مارفع راسه كديميس رميه زان=عليه الله اكبر والذخاير نعمرها
خطيه وشرهتها على عاقل العتبان=ثلاثين عام وهي تنابح مسعرها
حدانا على بحث الحقايق مع الجيران=ولو مانبا الجيران نجرح مشاعرها
ولا عودت بمنازل الخصم بالميدان=عليه المدافع عامراتٍٍ ذخايرها
ونشره على عتيبه نقول الجميع اخوان=ومهما تكون الحال ماني بعاذرها
ولوكان للروقه يصدر من الشرطان=ويرخي مقادمها ويرفع مواخرها
وصل به مرض نفسه ينصب لها شيخان=أشيوخٍ يقاعدها والاخرى يومرها
يبي رفعت الرايه على شان يظهر شان=يصير انه لسان القبيله وشاعرها
تحاذرك روق وعند برقا عليك اعلان=وبين العقيلي وابن عمه مثورها
اقوله وانا ماني على وضعهم فرحان=ولاودي الجيران تفشـى سرايرها
ولكن فتحت الباب يزمالة الشيطان=وتجيك القراده وانت دايم تدورها
على ساحه النكبات ياطير بن برمان=تغط الشواهد والحقايق تزورها
تردد خزاك العام يالشايب الخرفان=لعبها النفيعي معك في غيبة أمرها
يريد الاثاره منك وانته ضعيف ايمان=على ماتبي نفسك ضميرك يصورها
تبجحت ياكديميس في رحلة الخسران=وابا انبيك عنها يالقزم وانت خابرها
بعد ما انكسر باسك تلاجيت في سلمان=تصافق رجولك والملابس تقررها
حقايق دليل اثباتها صادق البرهان=لها صورةٍ عند الصويتي محاضرها
وبعد ماطلع نور القمر كل شيٍ بان=جميع الوسايل نابذاتك منابرها
تواطت لك الساحه وسجل لها عرفان=يحق الك ياكديميس تثني وتشكرها
ترا قبلها وانته مخلا على الديران=تلم الاصّره والولايم تمرمرها
طلوعك عليها حطها منزل الحقران=من المجتمع مابه مشاهد ينآظرها
وش اللي تضيفه للمشاهد مثل ماكان=ياكود الشقي مثلك ارفعته وصغرها
وحيثك بنص الدرب بسدير لاحقران=وحتى الطراقي شاقيٍٍ في مواترها
مامرك وشفته من امريكي ومن يابان=توطى كديميس العصيمي توايرها
ولا انته موهل يارع الظلم والبهتان=تنوش الرجال الي تفوقك مفاخرها
اهل حاضرٍٍ يفخر بماضيكه واهل سنان=حرارٍعلى روس الشواهيق ماكرها
وكمن الحكيم الي بعصره مثل لقمان=تعدى الخطوط الحمر واشر موشرها
تجرى على ضربة سنينه بحد الزان=ولافيه رجلٍ يدرك العلم ينكرها
وصارة دفينن في ذويه تقل نيران=لها نص قرن وغيضها في حناجرها
وانا لو بغيت اسفهك مقدارك السفهان=عليك تحداني شلتك في مهاترها
خفافيش ليلٍ بالملاقى تقل سمقان=ليا شآفت الحايم كثيرٍ مخامرها
ليا شافت الحايم تقل مالها جنحان=ترب المداغر واول الحوم صاقرها
من التاج لانامي أليا شاعرك فيحان=راعي لقمةٍ من حالي الزاد كبرها
وترى اللقمه الدسمه تبي للجمـى حنكان=على شان حلقك يالمسـمى يحدرها
لو انك بعد ماقمت سميت بالرحمن=ودرست الامور الي يغرك مسيرها
وش الي جناه فلان من يوم غاب فلان=على شان تفهم والقضيه تفسرها
لو انه قضب حده ولاميل الميزان=ماطال المنازع والقضيه اليا اخرها
ليا ازعلني ازعلته بماقالو الضيفان=على حظ ناقلها من لسان خاطرها
ولا انكرت ماقوله تنشد من الشيبان=تطول علومك معي والا تقصرها
عطيتك على القله والاخرى على الحجان=ولا فيه ضربه فيك ماجت باحمرها
وابعطيك فرصه ثم ابااقول يافيحان=لو المفرده حكم الادب ماتكررها
تراجع وعد خطاك لاتواصل الطغيان=وقيس الامور من ايمن الطرق لأيسرها
ولاوين ياكديميس هرجك تقول البان=مثل من يسولف هرجةٍ مايذمرها
عيوبك من افعالك تردد بكل السان=وقبلك عتيبه ساتر الخلق ساترها
يعيش المهان مهان ويموت وهو مهان=حياتك ورا السبعين والذل حاشرها
طليناك لين من الصدى صار لك عنوان=ودايم خدودك للمخمس مصعرها
ابا اقول كلمة حق يافهيد بن سلطان=ترا الطرق قدامك وماشئته اخترها
انا اصرف من الجوده وصرفك من التيوان=يادوبك بيوتي عن بناها تغيرها
تردد بيوتي لي يالتاجر الطفران=بزعمك خصمت وكلمه الخصم شاقرها
تخيل بعقلٍ ماتحلابه اي انسان=جميع العوارف كل ابوها انته اكبرها
وانا اقول سو اصلاح في مجتمع لبنان=وبعده تعـدى يم غزه وحررها
ويمكن تسوي حل ترضاه فرس ايران=توقع وكل الاسلحه ماتطورها
انا لابغيت الشعر ياقاصر الذرعان=اغوص البحور الي تعاقب بواخرها
اغوص البحر واجيب عقدٍ من المرجان=واخل التنك في سوقها عند تاجرها
اصب القوافي صبة الراهي الفهمان=اجيب الخزايز والفرايد مصخرها
واحب المعاند والمنازل مع الفرسان=واحب افتل الحجـه بحكمه وامررها
ترى الجلغمه ماتوفي الي معه نقصان=ورحلتك ياكديميس تعرف جرايرها
اسلاحك تراه الزور وشهودك الكذبان=وذمتك دايم للمخاليق مجرها
ولالك نفوذ الا تسولف عن العربان=ولافيه قصه للعرب مانت حاضرها
من مطير للروقه لعبدالله الهران=وشاعر هوازن عنك اذانيه سكرها
بحث واقتنع بالبحث من عقب حط لجان=وصدر قراراتٍ وثيقه مصادرها
وطبق عليك ان العدى ذبحها الخصران=ترا خصرة العدوان قد قيل تقهرها
تسير القوافل وانت تمرح مع الخليان=يعيش الحصان الي وجوده تصدرها
بعد كان عدناني يبي يصير من قحطان=وكل الامور تروح في قطع دابرها
وابا اعطيك كرت انذار ياالهايم الهريان=ترسل مراسيلٍ تطفي سعايرها
ترسلي ابن حويل والعيب بالنسيان=تعرض لامورٍ موقفه مهو قادرها
وكان انها هالون مال الندب نيشان=ماغير القوافي دوبك الي تقاطرها
مقال بجريده مثل ماقالها غسان=ركيك الكلام الي معانيه عاسرها
ترا الشعر ماهو بس في وزنة القيفان=وشتم القبايل مايجي الا من اقصرها
كم انك حكيت عن السراديب والمحجان=وابا اقول عن راسك مشاعيبي اكسرها
لحيثٍ منت بقد لمواجـه الفسقان=اجيك بمقاسك يفدغ الراس واخبرها
وادخلك سردابك محلق على الاذان=واصدر لك احكامٍ ذنوبك تكفرها
ترا مظلم السرداب يدبـه المندأن=ومالي وماله لان نفسي مقدرها
عليك المداخل في كلامك بلا حسبان=الياكلت مقلبها تصحى وتنكرها
تسوي فتوه تحسب انك من الاعيان=وربعك عتيبه ماتشاف بمحاضرها
مهمشك فعلك ماتصدر ولا ديوان=من عتيبه الهيلا واضف من يجاورها
تربيت من صغرك منافق تثير افتان=ومصحى الفتن في محكم القول ذاكرها
يسوقك ابليس العود وتطامر الجرفان=ولافيه قمزه مالنهايه تخوبرها
توهقك ناسٍ للنمايم رجال ذهان=وتفكيرها اللي للتخلف مأخرها
جميع القبايل نعم بالسلم والاكوان=وجا من جمعها والمباهيل صررها
مشى للتقدم والتطور وبالامان=تحت رايةٍ جعل الولي مايغيرها
هل الرايه الخضرا ودستورها القران=خدام(ن) لبيت الله حماية مشاعرها
عدالت حكومتها بظل الحدب شامان=يرد اعتبارٍ للمواطن اليا اخبرها
تحت حكمهم كثر المهايط وكنت وكان=ذبحنا هذولك ثم جينا بباعرها
اثارات مذمومـه معاند ومطع ايمان=يعدل بها قدام تتطبع وينشرها
يبي يسوقِِِ الشهره ولو هي بدون احسان=تخلف عقولٍ جعل ربي يدبرها
وتم الكلام الي منسق كما البنيان=يشوق العوارف والهدايف يحيرها
يحير العصيمي فيه ويحير العوان=تتم السنه والكل منهم يعافرها
بهم يسري الجاثوم من شرق خشم العان=يسند مع العتبان باالمدن وهجرها
على خردةِ مع دربها يعمد الدخان=زيوت المحرك تطلعه مع شنابرها
يدور حكيم ٍ يحكم العلم والاوزان= يخصم البيوت اللي خصيمه مشفرها
يحصل رجال العرف ماتناصر الغلطان=وزمرة ولد صالح تفتح مناخرها
مغلف بها المعنا ومتقن هدفها تقان=تعدي قليل المعرفه مايحررهاCOLOR="Navy"]
الشاعر الكبير / غازي بن مغيران الحربي((العملاق))[/COLOR]
رابط
http://www.m-harb.net/vb/showthread.php?t=49681