خطيت صدر مـن قصيـدي علـى آش =وختمتهـا بالعجز في اخـره ايــش
يلي عن اوطانك مـن العـام منحـاش=ماقدمـك الا المـوت ونقـاط تفتيـش
الله يعينـك كـان بالقـلـب نــواش=وصفق الرمي من فوق راسك له اوشيش
يما سلمـت ورحـت للربـع معتـاش=او صابك الطلـق الحمـر بالمنابيـش
ذنبك ظلمت وصـرت للحـب غشـاش=وخدعت حـب بالوفـاء قاللـك شيـش
لازم تشوف اللي مـن الربـع طـراش=قدم البلـد يدخـل بهـا قـوه وجيـش
يسهل الموضـوع مـن قبـل ينـاش=من قبل يصدر حكم حمـر الطرابيـش
ابنتظر والوقـت فـي لحظـة ارمـاش=والعمر يفنى لنقضـة ساعـة الطيـش
واقف وشوف ان الهواء جاله اغـواش=وطير الوله صفق وتمـم لـه الريـش
على الهنوف اللي لها صدري افـراش=ابـو خديـد ناعـم مابـعـد نـيـش
راع العيون بلحظهـا رمـي رشـاش=من ناظرنـه خطـر مايقـدر يعيـش
والرمش لاسلهم تقـل غيمـة ارشـاش=يروي ضمـى روح بلتهـا التعاطيـش
والخصر مايل لامشى جالـه ارهـاش=ضايـق نحيـل زاهــي بالتناقـيـش
ابيه وعين ام العـدو جالهـا اغطـاش=يالله عسى عيونه تغطى لهـا بخيـش
هذا حبيبـي ياهلـي وغيـره ابـلاش=مابدلـه وطـنـش الـكـل تطنـيـش