محلاك يالفكسار لو منت غالـي =عليك مايصعب طريقـاً مشيتـه
يشريه رجالاًمعـه راس مالـي =ولوكان معي فلوس مبطي شريته
مرتبـي دوبـه يكفـي عيالـي =والجيب مقدر قيمته لـو بغيتـه
غالي وانا واحد على قد حالـي =نـوب الريـال أدوره مالقيتـه
انشهد ان القل ذيـب الرجالـي =كم واحداًمثلـي بوجهـه قريتـه
صحيح مابه عيب في كل حالي = لكن يقلـل بالعزايـم لقيتـه
لو انت رجالاً تـروم المعالـي =يقصر خطى رجليك عن مابغيته
ويصير بين الناس مالك مجالي =حتى رفيقك يكرهـك لانصيتـه
المال طلع قاصريـن الحبالـي =كم من ردياً طالع المال صيتـه
عوجاه عند الناس تمشي عدالي =لو كان ماتعرف هل الجود بيته
قلته وانا واحـد بعيـد المدالـي =في لازمي ولد الـردي مالفيتـه
وليا زبنت أزبن طويل الجبالـي =اللـي يـذري جانبـه لارقيتـه
أفراق يادنيـا مداهـا الزوالـي =معذور لوفيها شماغـي رميتـه