أصبر على جور الليال الصراميد = وليه يعين اللي بخلقه رحومي
الواحد اللي ينصر العبد ويفيد = وباسه شديد ليا تسلط ظلومي
آرد وانا حميد صعاب المواريد = واشرب من الجمه ولا خشى السهومي
حراُ ولد حراً يعبر الجراهيد = لافز ما قدمه طيوراً تحومي
من غير نقصٍ في عيال الأجاويد= اللي لهم فعلٍ يقص الخشومي
ولهل الوفاء مني تحية تراديد = عد الجراد وعد وبل الغيومي
اللي تقول الحق فوق الأشاهيد= ماتجامل اللي مايعرف السلومي
ورفيقي اللي صادقٍ بالمواعيد= اللي يشاركني بلحظة همومي
قول اللسان يوكده لي تاكيد = لاصحت له في لازمٍ جاك يومي
يجيك فازع بالفشق و البواريد = مالفق اعذاره وخلا لزومي
واعتز لاجاء رويتعي بالمواليد = ايو الله افخر في عيال القرومي
صغارنا ماهم سوات المفاريد= جمال لاشالت حمولٍ تقومي
مايقف الميقاف غير الصناديد = وسهيل ماهو مثل باق النجومي
ولاني رفيقاً للوجيه المقاريد= ولاني رفيقاً للخون و الرخومي
رجلٍ بلا غيره تجيه المناقيد = اللي ينام وله رفيق مهزومي
ياجعل عينه ماتشوف المراويد= وينقص ساقه عن طلوع الرجومي
من مثل هذا فزعتاً منه ماريد = ماينفعك سيفاً كثير الثلومي
لياجلس عند العرب كنه السيد = وينعاف لاهبت هبوب السمومي
خله عساه يعيش بالارض ويهيد= وقله تراك القرم راع العلومي
وصبر عليه وجمع ربعك من العيد = واعرف ترى ماله حياتاً تدومي
لابد يوماً يقلعه عنك مايعيد = وبيت الرداء يصبح خراب مهدومي
ياليت مايبقى ردياً على البيد = والطيب يلبس مثل لبس الهدومي