من يوم غاب الصوت ما عاد لي نوم=ما عاد عيني ذاقت النوم ساعه
حتى هاجوس الشعر بالزين ملزوم=يكتب مأسي غيبته والقطاعه
كنّي لهيب النار بالشوق مكتوم=عايش على صوته ولذة سماعه
ما اشوف غيره والنظر صار محروم=والقلب من حبه لغيره مناعه
مدري وش اللي ابعد الزين ياقوم=مدري تغلي مدري كلمه اشاعه
اشكي لسواد الليل يا كيف مهموم=ويرد لي نوره بدمعة وداعه
ويمر ليل الامس ما كنّه اليوم=وسلاح صبري واقفٍ بالشجاعه
يمكن يقوم الحظ ياجعله يقوم=ويطيب جرحي والمشاعر جماعه