روحي تحب الزين في كل الاحوال=لو هي تجارة مكسبي في يدينه
انا حياتي ماضيه وسط الاهوال=دمـع المأسي خافقي مرضعينه
لا شفت زول الزين فيه النظر طال=يرتاح قلبي يرتوي من جبينه
احب فيه الشوف ولو قيل ما قال=يرسل سهوم العشق ماهي غبينه
ياشين منهو حطم الحب وآمال=حطم مشاعر ساكنه في حنينه
دنيا رديه كلها انذال وانذال=ورى المصالح تنطوي كل شينه
الله يعين القلب للحين ما زال=ينبض بحب اللي حياته حزينه
روح المشاعر لو تقيّس بالاميال=يا كان تعرف خافقي له رهينه
ما شفت مثل الزين مابين الاجيال=ولا شاف قلبي عاشقٍ مثل زينه
ليته يعوّد مُنيتي دون الاطلال=يلعب به الماضي ويذكر سجينه
لوهبله الدنيا ولو مدمعي سال=يفداه كل اللي بقى من سنينه
هذا كلامي ماهو شاعر بالاقوال=هاذي حقيقه دمعتي له ثمينه
واللي خلق هالكون وفرّق بالاعمال=باقصى خفوقي بالهوى زارعينه