=البيرق المنصور
نبغى كلام الذي يشرح = بال المودين بحروفه
وإن كان ولياه مايفٍرح = مابغيه ياجي ولااشوفه
=بخيتان البشري
ياشوق وينك نبى نمرح = والحرف مشروط بعزوفه
وياك من جالنا تبرح = مودٌ ومقدر ظروفه
=البيرق المنصور
حيابنا الشوق فالمسرح = وغطروفه الشوق لضيوفه
ولوجيتنا يوم ماتسرح = الامع صوت غطروفه
=بخيتان البشري
نفس المعنا بكم تفرح = يمشاهد الورد وصنوفه
ولوكانت ظروفنا تسمح = ماخلي النفس ملهوفه
=البيرق المنصور
غير الونيس الذي يقرح = ياما عذا حزه إشروفه
وعمرك تضيع تعال ورح = وذا وقتنا تدحم إكتوفه
=بخيتان البشري
اللي ضرب قبل لايطرح = جمعه مطابق لمصفوفه
لاقام من غلٌته مطرٍح = يلقى المحاصيل فكشوفه
=البيرق المنصور
اخوك ماجاك يتمذح = ولياك غادي بموصوفه
والغيث والمزن ماتجرح = واحكام الاسلام معروفه