بديت باسم اللي فرض خمس الأركان=اللي بسـط سبـعٍ و سبـعٍ بناهـا
اللي رفع عرشه على غير عمـدان=سبحان عـلاَم الصـدور و خفاهـا
و بديت طاروقٍ عليـه المثـل زان=وقفت شرف يطرب لها من قراهـا
بشرتني بالطيبـة يـا ابـو ريـان=ياطيب حـظ الطيّـب اللـي خذاهـا
فزيت و أنا في حلا النـوم غرقـان=من الفرح عافـت عيونـي كراهـا
عنبر تنازل مانشف دمـع الأعيـان=ماقال أبيـع جنازتـي مـن شراهـا
شال المصيبة يوم شاف القدر كـان=لو هي ثقيله صـار فـي مستواهـا
الله يعوضـه يالسنافـي بـسلمـان=و أمـه كذلـك يجبـر الله عزاهـا
الله يجازي فاعل الخيـر بإحسـان=في جاه مخرج ليلها مـن ضحاهـا
ياحرب تبقى الطيبة شأنهـا شـان=ياعزوتـي تحتـاج منكـم جزاهـا
هذا نداء لأسماعكم سـر و إعـلان=باسـم القبيلـة كلهـا و أومراهـا
أنتم اهل الوقفات من ماض الازمان=ماضاعت الهقوات و أنتـم وراهـا
وين الصويتي وين عزوة صنيتـان=يجلى عـن الكبـد العليلـة صداهـا
من غير قاصر بالقبيلـة و حقـران=فـشيوخها و أفرادهـا و وجهاهـا
أنا رفعت الصوت من قلب و لسـان=و من يهتوي رأس الطويلة رقاهـا
الطيبة على اسمهـا مالهـا أثمـان=و راع الرديـة حاجتـه ماقضاهـا