سلام من عزه وقيمـة ومـن شـان =من واحد(ن) يعرف حقوق الرجالـي
سلام طيب مسـك عنبـر وريحـان =لـمحمد الفيصـل والـراس عالـي
سلام يا محمـد فـي كـل الازمـان =سـلام يـا راع الوفـاء والمعالـي
سلام له هيبـة فـي كـل الاوطـان =من هيبته هـز الشجـر والجبالـي
يا أمير انا احبك ولا فيـه نقصـان =حب(ن) على وضح النقاء وانت غالي
ابوك عبـدالله ومـن جـاه ربحـان =يبشـر بماجوبـه وكيـف الدلالـي
شعر(ن) وادب فكر وعقل نهج قران =هاك الشهم ساس الكرم مـا يبالـي
في بيته المعمور اصحـاب واخـوان =مكـرم الضيفـان والشـك زالــي
يا أمير انا طالبك من قلـب ولسـان =طلبة عزيز النفس فـي كـل حالـي
ارجع لقلعتك العزيـزة علـى شـان =يفرح بـك الشيـاب قبـل العيالـي
تكفى يا أبو تركي ترى القلب شفقان =شماغي بيـن يديـك وهـذا عقالـي
وختامة اصلي صـلاة(ن) وبحسـان =على الـذي فـرق حـرام وحلالـي