خالد بن عبيـد الاحمـدي=
اسمع ياحامد كـلام ٍ جـد=مايحمل الـزور والبهتـان
أحرق فؤادي عـذاب الـود=واشكي من البين والحرمان
حامـد علـي الاحـمـدي=
انا أستمع يااصيـل الجـد=يامرتقي عالـي الضلعـان
لابد جرح الهـوى يضمـد=بس إرتجي الواحد المنـان
خالد بن عبيـد الاحمـدي=
أرسلت له واحتريـه يـرد=والظاهر انه نوى الهجران
والصبر طول وباح السـد=مافادني فالهـوى كتمـان
حامـد علـي الاحـمـدي=
مادام ما يستمـع ويصـد=الحل يا صاحبـي نسيـان
باب ٍ يجيب الهـواء ينـرد=قالوه في سالـف الأزمـان
خالـد عبيـد الاحـمـدي=
راع الهوى دايماً في عند=ماطاع نصح ٍ من الصدقان
على الأسى والسهر منحـد=له حال تعرف كما العودان
حامـد علـي الاحـمـدي =
لاهاج موج البحر وأشتـد=والجو أظلم علـى الربـان
ينزل شراع اليخـت ويلـد=ويصير يبحث عن الشطان
خالـد عبيـد الاحـمـدي =
طور العنا اعتلـى وامتـد=والقلب تصلا بـه النيـران
وأصبحت في حال مايحسد=مافاد طب البلـد عشقـان
حامـد علـي الاحـمـدي=
هيا استمع ياصقر للسـرد=لاتصير فالمسألـه حيـران
راعي الهوى مايذوق الشهد=دايم ترى حالتـه شقيـان
لابـد هـذا العنـا يــوأد=وتهني الروح و الوجـدان
هذا الجواب اكتبـه واعـد=فالك هنا ياصقـر شيهـان