خلي تأخر عن الميعـاد=وش الذي صار فاحواله
لو يختفي ثالث الأبعـاد=لا يمكن الشك في وصاله

يامشتـقي شفت خلك عـــاد= طيب هني والسعد ناله
شربه عسل صافي الميراد= قليل شــرواه وامثالــه

برق وسحايب وزود ارعاد=ما تترك الجـو يصفالـه
لك البشارة بعلـم أجـواد=والقلـب سامـع لأقوالـه

هيًّا استمع في الكلام الجاد=والعـــدل يبــراه معـــداله
حشمه ومقدار جينـا المــاد= والحــر ينزل في منــزاله

الأمر زايد عـن المعتـاد=من ضيقة الوقت وإشكاله
وصى طرفنا بأمور جداد=لا زم يشـارك بمنوالـه

علمٍ حصل والله اللي راد= ومنــه فتـــح بــاب يحسـا له
لو كان أمشي وفاء منقاد= معروف أبو زيــد من خالــه

وش اللي حاصل زمنا حاد=لما الوتـر زادت أميالـه
والكل للـي زرع حصـاد=مهما انتحل صورة أجياله
خوينا في ظروف شـداد=يعود مهما الزمـن طالـه
والطير إلى منبته عـواد=وحاسب العرض وأطواله

الله زرع فــي الفـــؤاد وداد= ولا حب مخلــوق سواله
والنـــاس يا ربعتي شهــاد=ما فيــه من طيبــوا فالــه
وإن راح عابد حضر عباد= يا عـزوة العــود ورجالـه
والود ما ينكتب في أسنـاد= تكفــون لا تقصــر حبالـه

يا من لكم في فؤادي ود= يجري مع الدم في مجراه
للآن ما شفـت منكـم رد= واللي يجيب الخبـر يقفاه

أنا أحمد الله على ما جـدَّ=والعسر بعده يسـر يتـلاه
تجـاوزت فرحتـي للحـد=ما يحاسب القلب من يهواه

هذا الطلب غاية المقصد= يا راعي الطـيب في معناه
وارتاح قلبي لا عـاد ترد= ما فيه أحسن من اللي جاه