الناس قالت خالد عبيد معتوق=يكتب معاناة ٍ لنا يخترعها
شفنا قصيده ينتحي غرب وشروق=وابيات شعره حيرة من سمعها
وماني من سطور المقالات محموق=اخذت فالدنيا مناعة جرعها
وان قلت بقنعهم فلا كنت مصدوق=المصطفى بعض العرب ماقنعها
واللي جهل ماكان بالصدر مدروق=يحكم على الظاهر ونفسه خدعها
لاشافني ماشي على كشخه وروق=يقول مرضي مهجته في ولعها
ماكني الا مالك البنك والسوق=هذي يصرّفها وهذي يدعها
مايدري اني بالغرابيل مخنوق=والدين كم فرحه لنفسي قطعها
واعفي لو انّي من عنا الجور محروق=وكم ناس مثلي خانها مجتمعها
مادام ساسي من هل العز مابوق=اللي تخفّي همها في ورعها
ياما تولعنا من البين والشوق= يالايمي كثر الملامات دعها
واللي مشى حكمه على كل مخلوق= هذي حقيقة واقعي مصطنعها