تبكي فلسطين الجريحة عربها=مليار مسلم تقل ماهم بمليار
رهينتن تندب ولااحدٍ ندبها=دم العرب بارد وهي دمها حار
ناسٍ تفكر في سلامة رتبها=ما فكرت بالخزي والذل والعار
تبكي صلاح الدين مطلق نشبها=اللي بذل من شانها غال الاعمار
نخوة مره حرر بلد من سببها=واليوم راح الثار من ياخذ الثار
ولاخير في لحيه ماتحمى شنبها=مادام ماتفزع ليا صار ما صار
ويبقى الامل بالله ثم اللي حسبها=عبدالله اللي بالمواقيف مغوار
يقدر يخلص نكبة اللي نكبها=لانه يثمن قيمه الدين والجار