سعد الزويهري=
فالحال نبغى لنا مباشر =وانسى الملا دامني وياك
شوفك فرح به نتباشر =وأنا الذي مطلب إلا رضاك
فواز الزويهري =
اللي طلبته لكم حاضر =حاضر بحاضر على معناك
أغليك وأنا بكم ضافر =ياجعل يومي يجي فدواك
سعد الزويهري =
يدوم قصر الوفا عامر =ماينهدم ساس من مبناك
آمر عليه وأنا طامر =أجيك وامشي على ممشاك
فواز الزويهري=
لي قلب دايم معي ساهر =يون ... ولا أنت ويش دراك
عن نون ..جاكر ولي ساحر = الله يحميك ولا يبلاك
سعد الزويهري =
مادام قلبك معك عاشر =لو ون له حس ما يغواك
أنته معك شوف وتناظر =ليه الشكا ليه في مغناك
فواز الزويهري=
قلبي مع الآه ..متآمر =والسبه الشوف وما يخفاك
كم شوف جاب الأسى القاهر =أسقاني السم قبل امضاك