مني لكم كلمه تجد بين الاقواس=لغز ٍ ولا حلّوه ناس ٍ فصاحي
كيف الليالي قررت بعد الاوناس=ضاقت علي بفرحتي وانشراحي
وقت الدراسه حينا فيه جلاس=فيهم ونس متبادلين المزاحي
ذيك الليالي تجمع الناس بالناس=عند العرب قالوا ليال الملاحي
لافاح ريح البن دله ومحماس=القا هواي ومنوتي وارتياحي
يوم المباني ضوها زايد اقباس=واليوم كم شخص ٍ من الحي راحي
احد ٍ على دِمشق واحد ٍ على فاس=والبعض في مصر الجديده سياحي
حلّت ليال الصيف ضاقت بالانفاس=جتنا ليالي بالوناسه شحاحي
واليا سكن فكري من الهم هوجاس=اخرج واعوّد خاطري ماستراحي
وان جيت ادور ناس مافالبلد ناس=ضليت وحداني لحد الصباحي