اصارع اهموم الوقت والوقت ماينطـال=لاكني قوي اعزوم واصبر على المقسوم
واحسب لمخراجي قبل لحسب المدخـال=على شان ماتلقي علـي الرجـال اللـؤم
نبا نرضي الاصحـاب وانزعـل العـذال=نعز الرفيق وللعـدو خنجـرٍ مسمـوم
مانجهل كلام الجاهـل او كلمـة العقـال=لاكن كلمة الجاهل ليا جات عنها اشـوم
سهيل اليماني قدوتي والرجـال افعـال=ومن في ذراعه يكسب الطيبـه شغمـوم
يقولون ياخالـي تشيـل الثقـال اجمـال=تزيد الحمول احمول وتشيلهـا واتقـوم
ضعاف النفوس اتعيش من مال راع المال=وطير الفلاح الصيرمي في سماه ايحوم
يسجله التاريخ صفحة ثنـاء وااجـلاال=ويبقى ياخالي في عيون العرب محشوم

عدد مااشرقت شمس اوعدد مايريع اظلاال=وعدد ماظوى ليل اوعدد ماتبيـن انجـوم
وعدد مايبث ارسال من قاعـدات ارسـال=وعدد ماتلوح ابروق في مدلهـم اغيـوم
هـلا مرحبـا حييـت يامطـوع العـيـال=خزام الخشوم الي طبيعه با اهلها الـزوم
انـا عـارف العنـوان ياعالـي المنـزال=افرق مابين الحر الاشقـر وبيـن البـوم
هاذي مشكله مرت على ماضي الاجيـال=ولايجهـل السـأل ولايجهـل المـحـروم
توكل على الله واصبـر ايحلهـا الحـلاال=سلالة بقـادر جابـت اسلاالـة الجمجـوم
ياسلطان مهما صار تبقى الجبـال اجبـال=يبا الله يزيل الفرس ويزيل معهـا الـروم