هذا الطاروق الثاني بين راشد وسفر الدغيلبي في حفلة حروب الكلية الامنيه
بتاريخ 25/6/1430
مــــــــــــــــــــ سفر ــــــــــــــــــــــــــــوال:
الف مبروك التخرج ياحماية الهيه=نخبة النخبه هل الكليه الامنيه
تهنئة ومباركه ومشاركة وتحيه=والزمان يدور بالهجري وبالميلادي
إن طعتني ياراشد الحربي تعال أعطيك قاف=قافٍ ليا سجل على وجه الزمن مايمحي
الظاهر إنك ماأنت داري عن شروط الاحتراف=تهرف بمالا تعرف وتهرج كذا ماتستحي
مـــــــــــ راشـــد ـــــــــــــــــــــــــــــــوال:
بارك الله فيك ياللي زرتنا وتبارك=أدري إنك بالمهمات الصعاب تشارك
كان مالبيت دعوتنا ندور غارك=والزمان يعد بالهجري وبالميلادي
إن كان عندك سالفه عجل ولا يحصل خلاف=أنا تراني من ثلاث أيام سامع لك وحي
حنا نقول ونستحي وأنته سواليفك خفاف=ماهيب في صالحك يالصاحب ولا في صالحي
مــــــــ سفر ــــــــــــــــــــــــــــــوال:
اعنا واحضر ولله الشكر والمنه=وأنت يامظهر بياضك والسواد تكنه
كنك اللي طلع آدم من ظلال الجنه=والزمان يدور بالهجري وبالميلادي
خلك تحت نخل المدينه لابدأ وقت الخراف=وإن جاك تمره من نخلها حطها تحت اللحي
أحيان هرجتنا عن الشكه يغلفها الغلاف=وأحيان هرجتنا على العيال سيلٍ منتحي
مـــــــــــــ راشــــــــــــد ـــــــــوال:
أنت لادورتني في ماقفي تلقاني=إنتبه ياصاحبي قبل الكلام الثاني
ليش تطلعني من الجنه يهاالشيطاني=والزمان يدور بالهجري وبالميلادي
انتم نخلكم عندكم لكن تمره مايشاف=حنا بدون منازعه وأنتم مهاوش وطرحي
إن كان ماأنته محترف مالك ومال الاحتراف=نعرفك وأنته ورع مانعرفك وأنته ملتحي
مــــــــ سـفر ــــــــــــــــــــــــوال:
العلوم فداك لاتزعل وتملا صدرك=دوبني شبيت ناري ويش محرق قدرك
كم لي أوعيك وأنته ماتعي ماتدرك=والزمان يدور بالهجري وبالميلادي
الوقت طول وأهل الصومال يشكون الجفاف=والله مايغنيهم رصيد أموال بنك الراجحي