الموضوع
:
أبا انتظر,,,ليه تعود
عرض مشاركة واحدة
27-06-09, 12:03 PM
#
4
شـــــاعر
المشاركة الأصلية كتبت بواسطة ابوسعود الحربي
ابا انتظرك تعود فالميعاد الاول لي ولك=نفس المكان اللي جمعنا وانت كنت المنتظر
في واحة" انت الذي احييتها يااحلا ملك=ولا من اول قاحله لا عين فيها ولا شجر
ابا انتظر عند الورود اللي شذاها مال لك=بين العيون اللي بكم ماها تفجر وانفجر
تحت الغصون ام الوروش اللي شجرها ظللك= وانته سقيت جذورها ومدتك بالظل والثمر
اللي جنت لك نفسها من دون تجني جات لك=يوم الطيوراللي على الاغصان طيرّها القهر
ماتجهله ذاك المكان اللي ابد مايجهلك=فالليله اللي غير انا وانته تحت ضوء القمر
أبا انتظرك هناك مهما غبت عني بمهلك=ابا امهلك يالين سكرات المنيه تحتظر
مهما تحدتني ظروف الوقت ماني مهملك=اصبر كما صبر الصحاري تحتري وبل المطر
حتى ولو جسمي نحل,والقلب من همي هلك=حتى ولو حتّ الهدب والرمش وانحت الشعر
تدري بأن العين تصرخ بالدموع اشتقت لك=ماهمها ألا شوفتك قدام لا يعمى البصر
وتدري بأني لا غفت عيني فؤادي فز لك= وافزلك, ليت و لعل انك تعود من السفر
ومع طلة الصبح اسأل النسمات وينه منزلك=وليّا اشرقت شمس" سألت شعاعها, هل من خبر؟
ماجاوبت لين الغروب وبانت نجوم الفلك=واسأل دخيلك بشّري, واجلي همومي والكدر
وانظر لمطلاع القمر ,قبل اسأله قال اسألك=وين الحبيب اللي على نوره تعودنا السهر
قلت إنتظر ,وانا انتظر ,مكتوب لي مكتوب لك= بفراقنا الوالي امر,والله حكيم بما امر
واليسر من بعد العسر,وعسرالدروب تفك لك=والصبر مفتاح الفرج والله يعين اللي صبر
قصيدة من نوع خاص
لها عزف منفرد وبحر منفرد
أسجل اعجابي بهذه الدرة الثمينة
صح لسانك ولاهنت
تحياتي
التوقيع :
ســـمو الشوق
مشاهدة ملفه الشخصي
البحث عن كل مشاركات ســـمو الشوق