ياسـلام الله سـلام الله علـى اهــل الملتـقـى=ردة" مثل العسـل وأصـل العسـل فلحونهـا
البـقـى ثــم البـقـى ثــم البـقـى ثــم الـبـقـى=البـقـى يالربـعـه الـلــي ثـابـتـات ركـونـهـا
حـرب ياربعـي نبيهـا مـثـل حــزات اللـقـى=ننتـف رمـوش الـعـدا لا حـمـرت بعيونـهـا
حرب ياربعي على درب الشجاعـه والتقـى=كـلـمـة" بقـولـهـا والـطـيـبـه مضـمـونـهـا
لا رقـيـنــا بـالـمـعـزه ملـتـقـانـا ذا رقـــــى=نوصلـه فـوق النـجـوم ولا نـحـوّل دونـهـا
ودنـا شمسـه علـى كــل الكـواكـب تشـرقـا=معلـم" واضـح علـى كـل النـجـوم فكونـهـا
بالسـلـوم وبالـوصـول وبالـمـوده والنـقـى=دولـة" نمشـي علـى دستـورهـا وقانونـهـا
كل واحـد فـي منابـه مـن روى عـده سقـى=ولا تبـارك شـجـرة" ماظلـلـت بغصونـهـا
واتركوا من هو كلامه طاق طاق وطربقـى=ينـلـطـم وبضـاعـتـه مـــردوده فكرتـونـهـا
ولا تساعدنا على درب الشجاعه وش بقى=مابقـى الا المكسبـه والمكسـبـه تشرونـهـا
والعلـوم ميسـره مـن دون جهـد ولاشـقـى=والمعـالـي بـالـعـزوم ومثـلـكـم يصلـونـهـا
وامرهم شورى وشيروا شوركـم فالملتقـى=والامـانــات الثـقـيـلـه مـثـلـكـم مـامـونـهـا

مرحبا يامرحبا ياللي تقدم وارتقى=باللبيوت اللي تشرف ربعةٍ يقرونها
عد شعشاع النهار وعد برَّاق ابرقى=في سحابه استعزت واركزت بمزونها
ثم ساقت واستهلت بالروابي واطرقا=كل عودٍ بالغصون وميلت بفنونها
شاعرٍ له هقوتٍ ماخيبوها لاهقى=الرجال المستعده وإن بغى يثنونها
قلتها مني حقا وأعيدها والله حقا=مستحقة يارجالٍ عزها في متونها
والله أنه ماتخطِّى والكلام موثقا=ياقبيلة ماتزلزل والصفاء ماعونها
عزك الله يالحريبة يا أعز المبتقى=بالصناديد الجموحة لابغوا يردونها
كل واحد لاتوثق بالحصان الآبلقى=بالصوارم والهنادي دونها يحمونها
ياشمال وياجنوب وغربها والمشرقى=ياقبيلة في قبيلة ظهورها وبطونها
اعتمدناها وثيقة في كتاب مصدقا=ماخفت من نورها والصادقة مكنونها