باسم الله المعبود رب السماوات =ومن هو بدابه يكتب الحق مسطور
ماني وأنا فواز راعي قليلات = ربان يرسى بالبواخر من بحور
سرياقلم وأكتب بيوت جزيلات = اللي على الجهال تغشى كما النور
عاقل مجرب والحلا له مرارات =وذوب العسل نجنيه من بعد منظور
غلطان من وده يزور الخواجات =قصده يسافر لجل فلات وسرور
مايدري إن الغرب خسر الكرامات = والشرق يصبح فيه بجناح مكسور
من دون مبدئ تظلم النفس والذات =وتمشي مع أهل الغي والكفر والبور
وتمشي بقانون البلاد الخسيسات =حسب اتجاه الريح بشراع منشور
فيه الضبا ياهيه ماهم عفيفات =تمشي على المكشوف من غير منكور
منكور ياللي ترتدي للعبايات= وخمار يستر وجهك اليوم محضور
غير الذي عينك تشوفه صراحات =ممنوع في شرعك ومسموح دستور
غير الشواطي والنوادي ورحلات =فيها الخنا والفحش ولا لك لهم شور
ولانته نبي معصوم وصاحب ولايات = أنته بشر والنفس تأمرك بالبور
وإن كنت تبغى يارشيد السلامات = لا ترجي النسمات من فم تنور
فبلادنا غاية وفيها المروات = فيها كريم الطبع بالعين مقرور
واختم كلامي بالصلا والتحيات =على أحمد اللي من تولاه ماجور