مجازف=
قلبي سعى بالهوى طيشان=راضي بشرط الهوى قابل
وامسيت متولع وعشقان=وتلخبط الوضـع ياقابـل
قابل البشري =
العشق مخلوق فالانسان=مافيه عاقـل ولاجاهـل
واللي رسمته لنا عنوان=ماعطيتنا الوضع بالكامل
مجازف =
الوضع مشروح بالتبيان=كلمة هوى حرفها شامل
النوح والهجر والاحزان=واللي مقفيّ ولا سائـل
قابل البشري =
ماحكم يصدر بلابرهان=والحق مايغلبـه باطـل
دور معه واطرق البيبان=الحال لاتتركـه مايـل
مجازف =
قاضي الهوى يحكم بطغيان=وفي حال الاحباب يتساهل
محتار ومشتـت الاذهـان=وهو على الحـق يتحايـل