المشاركة الأصلية كتبت بواسطة فهد عواضه المخلفي

ياهوه ياللي بالحلا والزين سيد=ياللي عديم الوصف عن كل العبيد
يامن بفضله ربي الوالي عطاك=زين ودلال وغنج من نوعه فريد
حي اتصالك ساعتن بي اتصل=على طراء ذكراك زاد العيد عيد
اللي مدرهم لجله بعثعث خلا=في سهله اسج القدم فيها وحيد
علي سنا ذكراك وبوهج السنا=فاح القصيد وفاحن لحون القصيد
ها اسمعي بالبوح ونبرات الحزن=عل وعسا ها اتطوع القلب العنيد
ياللي تساويتي على سرج الهجر=وليا سالت العذر بالوقت الشديد
لاتقدمين العذر مابقبل عذر=دام الحديد يفك من ضرب الحديد
لو الحقيقه جازلك طوي الفراق=والود من قلبك بدى ليه يبيد
ماتقل من بيني ولابينك حصل=حب سوات الدم بعروق الوريد
اللي بذاك الوقت عندي راس مال=وانتي على قولك تعدينه رصيد
ان كان للهجران شديتي الرحال=وتشوفي ان البعد لك راي سديد
دربك خضر مالي على رايك حكم=ويمكن فراقك فيه لي خيره وفيد
روحي وانا بمحي الرقم ومحي الرقم=وليعد رقمك يتصل بي لايعيد
مدام والله ماورى صوتك رجاء=فرقاه دامنه علي يقبل بعيد