هذه القصيده مهداه للاخ داخل عاتق الغيداني رئيس مركز عرجاء التابعه للمدينه المنوره00والمقصود بحمود هو مراقبنا المميز حمود الغيداني
امل ان تحوز على رضاكم ورضاء الاخ داخل0
ياحمود لايطري على عينك النـوم=الوقـت ضيـق والمسافـه بعيـده
عن عينك وعيني ترى النوم محروم=مـا دام ماشفنـا مبانـي بريـده
وليـا وصلناهـا تريـح ومخـدوم=ارتح وانا ابى اسوق ونروح سيـده
ننصى ديارٍ دونها جبـال وحـزوم=حول المدينـه وصفهـا مانجيـده
لكن نبـى ننشـد ونلقالنـا علـوم=تفيدنـا ياحمود عما نـريـده
نلفي على اللي مجلسه دايم الدوم=مليان0جعل ايام عمره مديده
معزوم انا وانته بعد معي معزوم=عند ابلجٍ شوف المسايير عيده
داخل ولد عاتق بعيدٍ عن اللوم=راع الفعول الطيبه والحميده
له مركزٍ بين الرجاجيل معلوم=يجون له من كل صوب وبديده
هو والكرم والصدق والمعرفه توم=من غيرهن يملك صفاةٍ عديده
شغمومٍ لكنه ماهو بأي شغموم=مواقفه وقت الشدايد شديده
ولاهي غريبه منه قرمٍ من قروم=فعل العلوم الغانمه مايكيده