المشكــلة لاكنـــت عــالم بالأوضاع =وتبغا تجاهــل كل ماهو حقـيـقــة
بعت الضمير وكــلمة الحــــق بتباع =واصبح ضميرك بائعه في دقيـقة
أما مريض تــداهم القلـــب الأوجاع =وفرعك غراب البين تسمع نعيقه
ولا تطاوع من مخـــــــالــف ولا طاع =يشرح لك أفـكاره بهمسة رقيقـة
يحط نفسه عارفه وقــت ماضــــــاع =شوفه ســراباً لايغــرك بريـــقــه
ترى الذي يركب سفينة بلا شــــراع =تعــصفبه الأمـواج حتى تعــيقــه
ويمسي طعم للحوت في غبة القاع =في موقعٍ يصعــب انطلع غريقه
وراع التجاهـــل يعتبر نــوع خـــداع =يكذب على نفســه ويخدع رفيـقـه
واسبابها مايفــهم الكــوع والبـــاع =غير الزمــان مجمعــه مع لفيـقـه
ولاني وأنا حميـد بجــاهل هلانواع =لاضاق محرافي عرفت الطريقه
ولابيع ربعي دونــهم صرت طمــاع =ولاعافهم من شان شرهه وضيقه
ولاتاصل المقصودلاصــرت مهــزاع =وحذرا تسلم لوجروحــك عميقـه
والنفس ترفعها عن القيل وان شاع =وقهر الرجـال وظلمها لاتطـيقــه
قد ملها الصبـره مع المــر بالصــاع =والسم حطـه بالعسـل مع رحيقـه
حتى تقــر الحــــق لك ثم تنصــاع =ولاتولعــهـــا عليــهــــم حريقــه
أما الذي يجهلك من سوء الاطبـاع =يذكــرك لامنـه تخــلى لحــيـقــه
المشكــلة لاكنت عــالم بالأوضاع =وتبغا تجاهــل كل ماهو حقـيـقــة