بخـيـتـان الـبـشـري =
سلام ياحضـرة الدكتـور=فالطيب والذوق والكسـره
اخوك واحد من الجمهـور=اللي بشعـرك عـلا فكـره
قـابــل الـبـشــري =
يامرحبـا والليالـي نـور=ياراعي العـرف والخبـره
اخـوك لوقالـك مشكـور=ماعبر الحرف عن شكـره
بخـيـتـان الـبـشـري =
لك البقاء وأسمع المنشور=وعطنا إفادة بعـد نشـره
اليوم ليـه ثلاثـة شهـور=والمشتكي مل من صبـره
قـابــل الـبـشــري =
الصبر طيب وفيه ضـرور=لاجـاوز الحـد بالـمـره
وان كان فيه الامل منظور=استنـظـره لا بعدبـكـره
بخـيـتـان الـبـشـري =
مابيـن ودي وده ســور=عاذل بناء فالهوى جـدره
وافي ولكن فيـه قصـور=وأخاف يزداد فـي حـدره
قـابــل الـبـشــري =
مادام مابين عـدل وجـور=واجب تشوفـه وتختبـره
اماعطـاك الوفـا مقـرور=ولا مـن السالفـة عـذره
بخـيـتـان الـبـشـري =
المشكلـة قلبـي المعـذور=غرقان ويجول فـي بحـره
لاهـو بقـادر ولا مقـدور=يابو يزيد الهـوى جمـره
قـابــل الـبـشــري =
ان شفت وصلك ملاه غرور=الله يعينـك علـى هجـره
اما يعود علـى الدستـور=ولا معه شوف لـك دبـره
بخـيـتـان الـبـشـري =
لاتطري الهجر فالمسطـور=عيني بدت تـذرف العبـره
باعيش به ود لو مجبـور=مالي على تركهـم قـدره
قـابــل الـبـشــري =
زيده وفا وارفع المعمـور=يمكن معه تمسك العشـره
وان صد انسى بكل سرور=ولايهز من راسكم شعـره
بخـيـتـان الـبـشـري =
إحساس صادق حواه شعور=صادق على القيل والفكـره
اوفيتنـا ياوفـي مخبـور=حايز على المجد في عصره