مشكله لاصرت تشرح للبليد= صعب يفهم وانت مجبر تفهمه
لوعطيته علم مع عرق الوريد= او حقنته حقن مع داخل فمه
والله انه ماش فود ولايفيد=لو كتبت ولو شرحت بمرسمه
والبلا لاصار بعناده يزيد= رغم هذا صار صاحبك عتمه
قلت له يابن الأوادم يوم عيد= قال قلي كيف شكله ورسمه
قلت طالع شوف بعيون السعيد= وغيضي بصدري تفجر واكتمه
ليه ياحظي كذا وش تستفيد= ليه في دربي تحط الك ارضمه
عطني المعقول بس ولاتزيد=سعد من حظه على راس اعلمه
ولعنبو حظاً كذا مابه جديد= اكتب احروفي ويشطب بقلمه
الجمال اليوسفي مطلب اكيد= لكن الأحساس فالعاشق سمه
[]