لـــــهــــــــــــاب
سلام الله سلامٍ طار من صوب الشمال وجاك=تحـره يالسحيمـي بالشبكـه العنكبوتـيـه
لوانك مت ياراشد نبي نبكي علـى فرقـاك=وندفـن جثتـك بيـن المدينـه والحناكيـه
را شــــــــــــــــــد
هلا يامرحبا حي السلام ومرسله حيـاك=تبي تستقبله كـل أجهزتنـا الالكترونيـة
أنا يالهاب لو أموت مالي حاجة في ابكاك=ولا أدري لو دموعك كلها ماهي حقيقيـة
لـــــهــــــــــــاب
انا مالي بموتك مصلحه جعل الردي يفداك=علامك متهمني وانت ماتـدري وش النيـه
عساك تعيش ميت عام والموضوع مايخفاك=ابي هذي وابي هذي وابي ذيه وابي ذيـه
را شــــــــــــــــــد
تراني مادخلني شك في مثلك وفي شرواك=ولاني ناظر الا فـي الملفـات الاساسيـة
تبي هذي وذيك وذيك شاور ذاك وأنشد ذاك=أكيد ارباح الأسهم داخله فيهـا الحروميـة
لـــــهــــــــــــاب
ترى ماينجح المشروع لين اصير انا وياك=نبيع ونشتري بالسوق والعملـه سعوديـه
انا مديت لك يمناي وانته مد لـي يمنـاك=عسى ربي يجيب الحسنه اللي تدفع السيه
را شــــــــــــــــــد
سنونك بيض ما يحتاج لافرشه ولا مسواك=أكل بالناب والأضراس وأضحك بالأمامية
توصيني عن النسيان وانا مستحيل أنساك=معك ما يثبتك للكـل وأوراقـك نظاميـة
لـــــهــــــــــــاب
انا يا صاحبي ربي عطاني خير وانت أعطاك=يابـو رامـي بـلاش الحركـات البهلوانيـه
اشوف أسمك كبير وقلت ما شاءالله من سماك=بالانتـر والصحافـه والمحطـات الفضائيـه
را شــــــــــــــــــد
أنا كيف استفزك وأنت مثل سلاحي الفتاك=لا حاسدكم ولا شخصيتي فيها ازدواجيـه
أكيد اللي مسميني قبيلة حرب دون إرضاك=ياليتك شفت يوم اقطّع ايديـن الحراميـة
لـــــهــــــــــــاب
جزاك الله خير ووجه سلاحك على مرماك=وحنا مانحط الميتـه فـي صـورة الحيـه
الياء سموك حرب الله يبارك لك بكل أسماك=وانا اللي جبتها بالعنف ماجتنـي وراثيـه
را شــــــــــــــــــد
مشينا بالبدايه مع بعضنا وختلف ممشاك=تقول انا تخالفنا علـى ختـم العموديـه
اخاف تحدني بالعلم وحدك على قصياك=وهذا شرط من ضمن الشروط الاخترافيه
لـــــهــــــــــــاب
يازين العقل والحكمه ياطيب الوعي والادراك=وانا لازلت مانـي معتـرف لـك بالاحقيـه
ابااشهد عليك الناس مـن ذولا ومـن ذولاك=ولابينـي وبينـك لاشـروط والا اتفاقـيـه
باقي بيتين لراشد مانزلن