بخـيـتـان الـبـشـري =
سـلام يالحاضـر الغايـب =سلام لـولا الغـلا ماقلـت
سمعـت فالمؤتمرنـاخـب =وإنك تميزت بأعلى صـوت
ولـيــف الــشــوق=
ترحيب ياحضرت الصاحب =اللي بطيـب الوفـا كملـت
انا علـى مثلكـم حاسـب =واعلا نتيجه بكـم حصلـت
بخـيـتـان الـبـشـري=
تبقـى ومابيننـا حاجـب =فالطيب إن جيت او روحت
الدعم مـن يمنـا صاخـب =في كل بقعـا لكـم اعلنـت
ولـيــف الــشــوق=
ممشاي دايم على الصايـب =والطيب باقي عليه مازلـت
ماهمنـي دعمـك الجايـب =والوافيـه عنهـا ماحلـت
بخـيـتـان الـبـشـري =
لاشك ممشاك لـي طايـب =فالنايفـة عندنـا لازلــت
وإن كنت لدعمنـا سايـب =هذا قـرارك ولـه دونـت
ولـيــف الــشــوق =
مايوم فيـك الامـل خايـب =اللي ليطب المراجـل نلـت
واللي كماكم لهـم واجـب =مرتاح انكـان مااستكملـت
بخـيـتـان الـبـشـري =
شباب في نظرتـك شايـب =بأسمى المعاني معي تعاملت
ذكرتنـي السكـر الذايـب =قصة قصيرة بهـا تأملـت
ولـيــف الــشــوق=
مانـي بمخـرج ولاكاتـب =قلـت الحقيقـه ولامثلـت
كسبـان انتـه وناكاسـب =يالله عساني معـك جملـت
بخـيـتـان الـبـشـري =
مااقول في منطقـك سالـب =ولا اكون فالمسألـة ثقلـت
كلن معـه درع ومحـارب =اوفيتنـي بالوفـاء لاهنت