هذه قصيده رائعه من شاعر أروع ما يكون
هو شاعري الذي أحرص على جديده دوما
انه الشاعر / بدر الحويفي
اترككم مع هذه الرائعه التي تجبرك على قراءتها ألف مره
دعوه لتطبيق هذه الحكم من شاعر الجزاله / بدر الحويفي
قـال الـذي نفسـه بعقلـه حكمـهـا=عن كلمة (ن) مضمونها يجرح شعـور
مـا ذم نـاس ولا تخطـرا شيمـهـا=وليا خصم يفلج علـى شاهـد الـزور
وناس(ن) تكا في شرهـا مـا شتمهـا=يرعى الحقوق ولا كشف ستر مستـور
لو هـو ليـا مـس الحبـال وحزمهـا=يبلـى بهـا محـدود الأفكـار ويخـور
ما هـو عمـى عينـه تقـدي قدمهـا=جرب ومـن كثـر التجاريـب دكتـور
والطيبـه لاوافـقـت مــا لطمـهـ=ايفتح لها المصـراع والبـال مسـرور
مـا غرتـه دنيـا النهايـة عدمـهـا=مصير اهلهـا تحـت الألحـاد بقبـور
الدايـم اللـي بيـن خلقـه قسمـهـا=اللي دعاء موسى على جانـب الطـور
مـرارة الدنـيـا تـخـرب طعمـهـا=ابا انصح الجاهل بهـا يقبـل الشـور
قـدام تـردم فـوق راسـه اردمـهـا=في ماقف(ن) عن شوف الاحباب مهجور
مـن لاعـرف مقـدار نفسـه ظلمهـا=بالكـذب والبهتـان مغـراء وممهـور
امـا شـرع بالنـاس ياكـل لحمـهـا=والا ورى دنيـا الفنـى تقـل مسعـور
يخطي علـى نفسـه ويتبـع وهمهـا=والنفس ماتحمل وزن ريـش عصفـور
وش حيلها كـان ان مـا الله رحمهـا=في ساعة(ن) فيها معـذب ومـا جـور
في ما قف(ن) شمسه شديد (ن) وحمها=تشخص به الأبصـار والكبـر مكبـور
مـا ينفـع النفـس الذميمـه ندمـهـا=خص النفوس اللي بها كبـر وغـرور
كـل جــزاه بصفحـتـه لاستلمـهـا=يبي يشـوف اللـي بالاحكـام مذكـور
تفقـد بـه النفـس الرهينـه كرمهـا=لو كـان بالدنيـا لهـا ذنـب مغفـور
حسيبهـا الخـلاق مجـري نسمـهـا=اللي على ظلـم الجهـل سلـط النـور
ومن صان نفسه با حتـرام وعصمهـا=يخشى الكريم ويجتنـب كـل محـذور
ويسايـر العالـم ويـقـرق قيمـهـا=لنفس مثل النفـس مـا تقلـب الجـور
واللي عـرف للنفـس قـدر وحشمهـا=يجعل لها من حسن الاخـلاق ميسـور
واللي مـن اخـلاق المكـارم حرمهـا=يعيـش بالدنـيـا معـقـد ومقـهـور
اخـص نـاس(ن) ماتبـري ذممـهـا=حديثهـم بالنـاس غيبـات وفـجـور
اللـي بنفسـه شـك هـو متهمـهـا=واللي يحقر النـاس بالعيـن محقـور
مـن دق بحقـوق العبـاد وهظمـهـا=اقرب حراه اردى العرب بـاع وشبـور
ان حـب يبـدي حجتـه وان كتمـهـا=قيده ثـلاث اقفـال والحبـل مقصـور
وان العقـول التايهـه مـا عزمـهـا=وان سيرت تقلط علـى غيـر مخسـور
تقلط على اللـي سمهـا فـي دسمهـا=للقلـب جنبـيـه وللكـبـد دافــور
هـذا دواء القـلـوب .... وشممـهـا=وباقي الدواء لأمراض الاعصاب مصرور
ودرعـي ليامـس الذريـبـه دقمـهـا=يوم البراء مكشـوف والـدرع لـه دور
لاعشـرت عـوب النفـوس نخزمهـا=ايام وضـع النـاس ظافـر ومظفـور
نوفـي ونـافـي للـرجـال بلزمـهـا=يوم العرب من بينهـم خـوف ونـذور
على النقـاء دهـم الجمـوع نهزمهـا=يـوم السبايـا عجهـا يركـب القـور