المشاركة الأصلية كتبت بواسطة صقر المراقيب

سر ياقلم شارح معانـاة مجـروح=فوق الورق ثبّت حروف الحقيقـه
ترجم بخط الحبر تعبيـر للبـوح=بالون الاسـود خطهـا للخليقـه
خل العرب تدري عن هموم بالروح=جديدهـا كمّـل مسيـرة عتيقـه
مستوطنه صدري ولا تقبل تـروح=وصداعها بالراس فـاق الشقيقـه
والقلب بسيوف المقادير مذبـوح=متحمـل ٍ بالوقـت مـالا يطيقـه
اوزع البسمه وانا راعـي مـزوح=ونفسي بغبـات المأسـي غريقـه
وانا احمدي راعي مكارم وطحطوح=الشين خصمه والتنومس عشيقـه
لي عزوة ٍ مابين سالم ومسـروح=اهل الشهامـه ماتعـرف البويقـه
تاريخنا من ماضي الوقت مشروح=مثل الذهب ساطع بلمعـة بريقـه