المشاركة الأصلية كتبت بواسطة صقر المراقيب

	بسم الله الرحمن الرحيم اخواني ألاعزاء هذه القصيده كتبتها عندما تلقيت خبر وفاة والد اخي العزيز قابل البشري برساله من الاخوان في الملتقى جزاهم الله خير ولكن انقطاعي حال دون نشرها ورحم الله والد اخونا قابل البشري واسكنه فسيح جناته صح الفراق اصعيب ويعقّب احزان=ياكم شتت شمل بعد اللتحامي لكن المقدر ماضي بكل انسان=ان شاء وان ماشاء حكمه لزامي ذي حكمة الله خالق الانس والجان=يدوم وجهه والخلايق عدامي مانعترض حكمه ولو كان ماكان=واللي صبر يظفر بطيب الختامي وماجاك ياقابل علينا فلا هان=واصبر على فرقاه يابن الحشامي مادمت عاملته على بر واحسان=الله كريم يحب فعل الكرامي وانا اطلب عالم بتصريف الاكوان=مسقي نبات الارض وبل الغمامي يجعله ينعم بين مسك ٍ وريحان= في حنةٍ ماتنوصف بالكلامي الشاعر/ خالد بن عبيد بن معتوق ألأحمدي

ياخالد انته من ذريفين الايمان= اللي مواقفهم كمال وتمامي
من نسل قومن فالمواقف لهم شان=يشهد بها العربان شرقي وشامي
ونشهد لهم بالطيب في كل ميدان=وافين في وقت الرخا والعدامي
وحنا لشرواكم بني عم واخوان= مابيننا طيب ووفا واحترامي
والله يعظم اجركم رب الاكوان=سبحانه الخلاق رب الانامي
ويرحم عقيدالقوم حماي الاركان=امقدم الجزلة رفيع المقامي
كلن شهدله بالعقيده والايمان = صايم مصلي ماغزاه الحرامي
ويالله تكتب له نعيم ورضوان= والمغفرة والعفو يوم الزحامي