تنشد عن احوالي وانا اقول لك زين= لايخدعك تزييف بسمة شفاتي
شوف ويش سوى فراق المحبين= خلا الاسى ابرز معالم صفاتي
اللي معي كانوا من اول موالين= اليوم خلوني وحيد ٍ بذاتي
والقلب يشكي من بلا حرقة البين= وذيك السعاده اصبحت ذكرياتي
مطعون في سيف ٍ شطير ٍ بحدين= الله يكافي من سعى في شتاتي
اللي جرحني جرح باقي من سنين= فارقت بسبابه لذيذ المباتي
جرح الهوى ماحصلوله مداوين= جرح ٍ يأدي لاسطى بالمماتي
ياعين يكفي من البكى لاتهلين= الدمع ماينفعك بعد الفواتي
الياس سيطر وايضا ً ازداد تمكين= ماعاد في قلبي رجا بالحياتي
لاقول متشائم ولا تقول مسكين= هذي حقيقة واقعي ياغناتي