الصراحه ميزة الناس الصريحـه=با الامور الي صراحتهـا مباحـه
لو تضيق راعي الكف الشحيحـه=تنصف الي راح عمره في كفاحـه
مايحارب صادق القول وصحيحه=غير ناسٍ موتها سمع الصراحـه
لو توردها على مبـدا النصيحـه=كنك الي يمهـم شاهـر سلاحـه
ما ذكر اعـلاه مدخـل للقريحـه=يوم زاد الكيل واغرقنـي طفاحـه
انهمل وبل الخفوق ابوقـت فيحـه=خافقٍ ما طاب الاول من جراحـه
كل ما ضاق الفضاء ينطق فصيحه=والسجين ابداخله يطلـق صراحـه
من سلوك الوجد ينسجلـه مليحـه=في تثني عودها يلقـى استراحـه
عن مغثة كلمة مقـدس ضريحـه=يستريح البال في مثنـات واحـه
كان جاملته بهـا ياهـي فضيحـه=وكان علمته طلع لك شيخ ساحـه
والمجامـل مـا يجملـه قبيـحـه=كـان مـازود قباحتهـا قبـاحـه
حكمها حكـم الرديـه والنطيحـه=لا تضحي له ولا تمنـح مناحـه
يازمـانٍ فيـه لتطبيـل صيحـه=كل طيـرٍ ترفعـه هـزة جناحـه
ما خلق با الناس ناسٍ مستريحـه=ولا بها الدنيا مكـانٍ فيـه راحـه
مار تبي العلـم سـرك لا تبيحـه=والتلافي والحيـاد مـن الرجاحـه