فهد عواضه=
يالربع لاشفتو بخيتـان=قولو تعال احتم القالـه
يعينك الله على كحيلان=ناصب لحضرتك محباله
بخيتان البشري=
مثلي على النايفة عنوان=يشوف وتشوفه امثالـه
ومن لايصل عندنا ويبان=لايوصي الناس بأقوالـه
فهد عواضه=
مثلك كما الضلع للاعيان=لاكن انا باخص احواله
اليا ابدى مصامخ القيفان=بي احتزم تحتمي الطاله
بخيتان البشري=
ياداحم الضلـع بالأمتـان=الضلع باقي علـى حالـه
ارذيت نفس ن بها شقيان=ما يرحم النفـس بفعالـه
فهد عواضه=
الضلع يثور به البركـان=فعـل الدناميـت يقوالـه
ودي تجي باللزوم حصان=ولاكن انا اضن ماتبالـه
بخيتان البشري=
يثور لكان هو غضبان=ويدمر الضد لا جالـه
مايثور لمصافق الهبان=اللي بها جهل فأهواله
فهد عواضه=
اه انتبه ياطلق الحجان=قدام حالـك لايرثالـه
لو الحقيقه وسيع بطان=صاحبك مايكدر بالـه
بخيتان البشري=
ترجح بنا كفـة الميـزان=وانته بطل نال مـا نالـه
وإن طال عمرك مع الأزمان=لك شان فالقيـل تزهالـه