لجبرتي=
من هجوسن كل مادقت علي اهتاض بالي=ياسلام الله عليكم والحيا ترعد مزونه
هبت الازيب ولاقتها هبوب من الشمالي= العبو ياحرب وقنيو العنب لاتقربونه
مبروك=
لاقفلنا الباب الاقصى نفتح الباب الموالي=ياهلا يامرحبا والعود والعود تعجبني لحونه
جابتك من دون حالك وجابتي من دون حالي= والعبوا والليل واللي تحرقونه تحرقونه
لجبرتي=
جاك ابن غانم ذياب وجاك ابوزيد الهلالي= واشرب الفنجال والكاس الحمر لاتشربونه
وانت يامبروك من يخرج حبالك من حبالي= لا حرام الله عليك النوم مايدخل عيونه
مبروك=
ماتروح لين تاخذ قسمكم من مروحالي= ادحموا عن قسمكم واللي لنا لا تدحمونه
نوب تاخذها حرام ونوب تاخذها حلالي=واعرفوا مبروك حتى فالليال تجربونه
لجبرتي=
كيف تسبقني عليها وانته بناخي وخالي= تقلبون الحمل واللي مثلكم مايقلبونه
جيت باغ اكسيك بالمشلح والبسك العقالي= والعقال عقالك وانتم تراكم تنقضونه
مبروك=
يالطيف الحال لا قامو سلاطين العيالي= وانت من ربع حشام وكم علم تكرفسونه
جيت افصل لك ثياب من يمين ومن شمالي= البسو ملبوسكم والثوب منا تلبسونه
الجبرتي=
يازبيد الشام وانتم يازبيد اهل العوالي=الزموا شانكم مير الخطر لا تقربونه
يابعير القوم ياللي تعتلك بين الجمالي= لحمته ماهي كبيره والشير كسر فنونه
مبروك=
يوم اسايلكم دخيلك لاتكبون السوالي= ياسليم انتم لكم هوذان كيف تسنعونه
انت عينت المريض اللي عليه الهم حالي= وان قرب يومه على غير المزاد تكفنونه