المشاركة الأصلية كتبت بواسطة محمد سلمان اللهيبي

تدرين بأكتب لك عن أحساس فيني =بصورة وأترجمه قبل تحكين
شفتك وشفت أن الأمل يحتويني =ومن وين اروح القى لوجهك عناوين
ماكنك الا نون في وسط عيني =وماكنك الا دم وسط الشرايين
كل المشاعر من خيالك تجيني =وكل الحكي لا شفت أنا طرف هالعين
بس أرسمي للعشق درب(ن) يبيني =وأنا عشانك أختصر خطوة سنين
حتى القدر لو حال بينك وبيني =يبقى مصيري مرتبط لو تغيبين
نفسي على غيرك تعاند سنيني =وعمري بدونك مارضى يعيش يومين
والسالفة لجلك ذبحني حنيني =حتى غدى فرحي معك بين قوسين
لا جيت أفك القوس تعجز أيديني =أصعب سوأل أواجهه لو تعرفين
أنا عشانك غربتي تبتديني =وعجزت مواني رحلتي تنتظر وين
أن قلت لك مشتاق ما ترحميني =وأن قلت لك ملهوف قلتي وبعدين
يا وش بقى مني وأنا رحت ويني =كلي وبعضي ما عرف وش تريدين
أن كان ودك حب بس أعشقيني =وأن كان فرقى أرحلي قبل لا تجين

.