خالد اللهيبي=
اعطيت لك درب ياطولـه=موحش ومشهور بالاخطار
وان كانها زادت حمولـه=كيف الجمل يكمل المشوار
قابل البشري=
ابقطع الـدرب بسهولـة=معروف طبع الجمل صبار
مهما الخطر زاد من حوله=يعرف طريقه ولايحتـار
خالد اللهيبي=
مـن قبـل لاتبـدا الجولـه= ومن قبل تاصل لخط النار
مالك على الحرب وطبولـه=وتعود تندم على اللى صـار
قابل البشري=
ماعطيت سكة ومجهولـة=كل شي مرصود بالـردار
وانت الجمل تعرف اسطولة=لاقامـت المعركـة جبـار
خالد اللهيبي =
ابغـى اجابـات معقـولـه=ياللى ركبت الخطر بااصرار
الحرب في خـارج الدولـه=لادعـم ياصـل ولاطيـار
قابل البشري=
العلم مانجهل وصوله=ولاظن يخفاك يابيطار
والحرب حية و منقولة = وكلن راهاعلى الاقمار
خالداللهيبي=
لاتاخذ الامر بسهوله=وتصبح بها بين نار وغار
هذي نصيحه ومبذوله=وماخاب من يسمع الاشوار
قابل البشري=
لاتكبـر العلـم وتهولـه=وتقلب صغار العلوم كبار
ماني طفل جوف هندوله=كلن يهزه يميـن يسـار