اعزائي اليكم هذه المشاركه امل ان تحوز على رضاكم وتفي بالغرض
البخت لطاح واردف طيحته ملعونه=في زمان ذابت ارجاله ونجمه هاوي
والنجوم اللي تهاوت بالقدر مطعونه=والنجوم اللي تلالا خدها متساوي
والنفوس اللي بعضها درة مكنونه=دونها صلفات الاريا برض ذيب عاوي
سامحيني ياضواحي دلته وركونه=ماظهر لي منه ذعذاعه وريح الجاوي
والله انه للشوامخ غايته مفتونه=بس مدري ليه كنه مايحب يخاوي
صحت له بالجد الاول صيحة مامونه=والتزم بالصمت واظرم نار فكر الضاوي
شاقني صيته وساقي ماتعثر دونه=والامل شديت حبله من حديث الراوي
والكرم والجاه طبع(ن)للرجال تصونه=غاية اللي ماسهى دونه ولاهو غاوي
في رجا اللي كل خلقه بالدجى يرجونه=ثم رجى اللي مايخلي عادته ويراوي
درهمي بي ياذلول الصمت يامزيونه=لين تظهر لي نوايا الحر وشو ناوي
ولكم تحياتي وتقديري=
اخوكم=
عبدالله الوعد=