المشاركة الأصلية كتبت بواسطة فواز الزويهري

عبد العزيز الزويهري=
من دمع عيني كتبت الحرف = أبغاك لحظة تعيش الحال
سلام من طرف يبكي طرف = عله معه تقصر الاميال
فواز الزويهري=
من حرف دمعك قليبي رف=يفديك حالي وكل المال
ترحيب فيه الجروح تخف=يامرحبا ياعريب الخال
عبد العزيز الزويهري=
لو كان تسمح بفك الظرف = و اشرف على حالي البطال
عيني على الزين رفت رف = و قلبي على غيرها ميال
فواز الزويهري=
أحذر تلف المعاني لف=أشرح وحرر لنا الأقوال
غطي عيونك ببطن الكف=وأنظر بقلبك وانا لك دال
عبد العزيز الزويهري=
عن ودي حايل علينا ظرف = و محال تتعدل الاحوال
كل ما بغيت اقى لي ترف = القاه في عالمي جوال
فواز الزويهري=
ياصاحبي مانحب السرف=عطني عهد توفي المكيال
والحل عندي وكاش الصرف =إن كان قلبك يبا الإقبال
عبد العزيز الزويهري=
احلف بربي و ازيد احلف = يا حالتي تصعب العذال
يا كيف بألقى لقلبي وصف = و ألقى الهنا ملاية الفنجال
فواز الزويهري=
من بعد دمي فعروقي جف=أوفي لك الوزن بالمثقال
من أجل قلبك أقيم الصف=اللي تحلحل على العقال
والغالية للأصيل تزف=إن كان داوى لها الإشكال
وعن غيرها يارفيقي عف =لا تقول فوقي حمول ثقال
ولكم خالص التقدير=