ملتقى قبيلة حرب الرسمي - عرض مشاركة واحدة - ســــلام يـــــادارٍ تعلا علمهــــــــــــا

29-04-09, 01:29 PM


	المشاركة الأصلية كتبت بواسطة سالم


	سلام يادارٍ تعلا علمها= بسم اللذي كون رفيــــع السمـــــــاوات = منشي الخيال الممطره من عدمهــــــا رزاق الأنفس عالـــــمً بالخفيـــــــــات = محيي العــروق اللي الدهر جد هشمها واليــوم ذيعي وأرسلي يالمحطــــــات = وبثي على اسماع الكـويتي نغمهــــــا اليوم يـــــومٍ ماتوفيــــــــه الأبيـــــات = لوصخر الشــاعر بيـــــوت ٍنضمهــــا والشعر موقف للشواعير وأثبــــــــات = والشاطـــر اللي فـرصته يغتنمهـــــــا وسلام بأزكى طيب وازكى التحيـــــات = ســــلام يـــــادارٍ تعلا علمهــــــــــــا شــامخ يرفــرف فـوق روس الطويلات = رمز الكويت اللي اعتلى في قممهـــا ينشر ومرفوعٍ على كل الاوقــــــــــات = رمز الصبـاحي وداره اللي حكمهـــــا ياكــــويت يـادار الفخـــــروالبطـولات = دارٍ ربينــــا بظلهــــا وفي انعمهـــا وأميرنا صبــــاح رجل المهمـــــــــات = له القيـــاده تلوق لـــه وأستلمهـــــــــا ماجات له من حزب ولا جمـــــاعــات = و تشهد سلاطــين العرب مع عجمهــا حاكم ولد حاكم وريث الزعـامــــات = بوسم صباح ابوه الأول وسمهـــــــا لاعدت الشيخان صبــــــــاح بالـــذات = رجل السيــــاسه فــاهمته وفهمهـــــــا سياسي محنك وكم خاض جولات = كم من مهمه فـــاز فيها وحسمهـــــــا صبــاح كــانه صـار بالوقت ميــــلات = لا نفخت خشوم المعهادي لطمهــــــا ومع الامم كـــــون صداقـــه وعلاقات = شيخً عطى كل الشعـــوب ورحمهــــا وولي عهده بالعســـر والمســــــرات = نواف غــــايته الكــويت يخدمهـــــــا لو ينفق اغلا المـــــــال عنده سهالات = يعطي العطايا و خزنته ماحـزمهــــــــا من كثـر ماينفق ويوهب بحسنـــــات = ولو في يده لقمه معـــاك اقتسمهـــــــا لاشك بأهل الجــود رســـم و علامــات = سبحان من علمها فيه و رسمهــــــــــا ولطيب بوجيه الريــاجيل شــــــارات = وهو على ضن الرجـــال وعشمهــــا حكامنـــا وفيهم على الطيب هقــــوات = من أسرة نحبهــــــا ونحـتـرمهـــــــــا آل الصباح اهل الكـرم والمــــــروات = الشعب كله يودهـــــــــا ويحشمهــــــا هل المكــارم واليدين الكريمـــــــــات = هل الصحون اللي يتقـــاطر دسمهـــــا يوم العرب ماهي من الجوع تقتــــات = اتقلط اللي من لحمهـــــا شحمهــــــــا تاريخهم في عصرنا وعصرمن فــات = ماتبهته نــاسٍ تـوفي اذممهـــــــــــا تـاريخهم مثل الجبــال المنيفــــــــــات = لـو ان الأعـــلام المغفل ظلمهـــــــــا عزالله مابه شك ولاداعــي أثبــــــــات = ألاان مصــر تحتــاج تثبت هرمهـــــا اثبــــاتهم لاجـات بالوقت لقــــــــوات = يـوم المدافع فيــه ترمي حممهـــــــــــا في حاضر الايـــــام ولا القديمـــــــات = لاصـاح صيــــاح الحرايب زهمهــــــا وفوق الاصايل بالسيوف الصقيــــلات = اما اقحمتك القــوم ولا اقتحمهــــــــــا غير العزاوي والفشق مابه اصـــوات = الا صهيــل الخيـل ولا رهمهـــــــــــــا به ترتفع رايـــات وتطيــح رايــــــات = وفيه المنايــــــا فــاتحـه كل فمهــــــــا ترقب عشـا شهب الذياب المجيعـــات = تبــا الجنايــــز مغرقــــاتٍ بدمهـــــــا به ترتفع هامـــات وتخــر هامـــــــات = والنصر دايــــم للكويـت ولزمـــمهـا من زود مانعشقها لو نرحــــل أمـــوات = نوصي عســـــانا نندفن في رممهــــــا ومن قبل لختم في جزيل العبـــــــارات = نشكر وجيه الحفل واللي عزمهـــــــــا وصلوا على الهادي كثير الصــلاوات = وبذكر ربــي ابتـدي واختمـهــــــــــــا اخوكم / سالم بن مناع الحربي

سلام بازكى طيب وازكى تحيات =سلام يادارٍ تعلا علمها

وحنا نقول سلام ياسالم بن مناع وصح لسانك يالجزل وتستاهل الكويت وحكامها الاوفياء
هذا الوفاء والاطراء وهذه الرائعه لاهنت ولاهانت الكويت وشعبها الوفي سلمت ودمت