|
|
: !! ..[ شرح البرنامج الخرافي لالتقاط الصور والتعديل عليها .. "SnagIt" ]..!!
بسم الله الرحمن الرحيم
السلام عليكم
حي الله الربع
برنامج SnagIt من اشهر البرامج بالتقاط الصور أو الفديو والتعديل عليها
لكن بالاصدارات الجديدة بصراحة تطور البرنامج أكثر من أول بكثير
واعجبني برنامج تعديل الصور SnagIt Editor الي يجي بنفس البرنامج وفيه مميزات رهيبة .. وهذي الي بركز عليها بالشرح
أول شي نجي لواجهة البرنامج الأساسية
1- هنا نختار النوع الي نبي نلتقطه ونصور اما صورة أو نص أو فديو أو الصور من موقع (بهالخيار نكتب اسم الموقع ويسحب كل الصور الموجودة فيه) .. والخيارات هذي بالترتيب من الأعلى للأسفل
2- هنا نختار نوع المساحة الي بنصورها اما منطقة حرة بتحريك الماوي أو نافذة أو كامل الشاشة أو شاشة لها شريط نقل جانبي .. والخيارات هذي بالترتيب من اليسار لليمين
3- هذا الخيار لوضع علامة مائية أو علامة حفظ حقوق على الصورة (واذا كان عندك أكثر من صورة تبي تحط عليها علامة مائية انتقل للخطوة الي بعدها أريح)
4-هذا الخيار لتحويل الصور بكافة أنواعها , يعني اذا كان عندك صور مساحتها كبيرة مثل الي امتدادها bmpغالبا يكون حجمها كبير ومن هنا تقدر تحولها للامتداد الاشهر والاحسن للاستخدام بالنت jpg
ويميز الخيار هذا بعد اذا كان عندك مجموعة صور وتبي تحط لها علامة مائية أو حقوق ملكية من هنا أحسن وأسرع حتى لو ماكنت تبي تغير صيغة الصورة
بعد الضغط على الخيار هذا يفتح لنا اطار جديد
نضغط على Add files ونضيف الصور الي نبي نحط لها علامة مائية
بعد الضغط على Nextيجينا مثل كذا
نختار على Modify ومثل ماتشوفون مجموعة كبيرة من خيارات التعديل على الصورة الي يهمنا هنا الاختيار المحدد Watermark
نضغط عليه ويجينا الشكل هذا
نضغط على الشكل المحدد عشان نختار الصور الي نحطها علامة مائية . واذا كانت العلامة المائية تبيها كتابة مثل الي انا حاطها بالصور
تسوي لك صورة جديدة من أي برنامج وتكتب العبارة الي تبي اهم شي تكون محفوظة بشكل صورة
اذا اخترنا الصورة نضغط على OK ويجينا الشكل هذا
هنا التحكم بصورة العلامة المائية
المنطقة رقم 1
Emboss image هذا يحط زخرفة بسيطة على الصورة .. واتجاه الزخرفة تختارها من القائمة Direction
Depth هذي كثافة العلامة المائية وشفافيتها على الصورة الأصلية
المنطقة رقم 2
تحديد موقع العلامة المائية بتغيير مكانها الطولي أو العرضي
المنطقة رقم 3
الخيار Watermark Size لتغيير حجم العلامة المائية
مع ملاحظة ان الخيارات هذي تنحفظ بالبرنامج يعني المرة الثانية مايحتاج تسوي الي سويته
بعد مانحدد الخيارات الي نبيها ونضبط الوضع نضغط Ok ونرجع للخيارات الي قبل مثل كذا
هنا يوضح لنا انه تم تحديد العلامة المائية .. ونضغط Nextويجينا الشكل هذا
نختار من الشريط الأول مكان حفظ الصور
والشريط الي تحت نختار نوع الصورة والنوع هذا هو الأفضل .. بعدين نضغط على Next
وهنا يجيب ملخص معلومات عن الصور ومكان الحفظ والاعدادات الي سويناهن قبل . نضغط Finish وتجينا المرحلة النهائية
بعدها خلاص تحصل الصور وعليها العلامة المائية والاعدادات الي قبل بكل سهولة وبالجملة
وفيه الشي المميز والخرااافي SnagIt Editor تحصله هنا
هذا للتعديل على الصور
وميزته بسهووولته وكثرة مميزاته والحركات الفنية الي فيه , ولايحتاج لشخص محترف عشان يعرف له بالعكس أسهل مايكون
وابي اخذ لمحة سريعة عن بعض مميزاته
اذا فتحنا برنامج التعديل يطلع لنا بالشكل هذا (ولازم نكون فاتحين صورة عشان تتفعل الخيارات)
نختار منها مثلا الخيار هذا
بعد الضغط عليه يطلع لنا قائمة الاشكال الي بالنص .. القائمة هذي مختصرة وعشان نطلع كل الاشكال المتوفر نضغط مثل الي بالصورة
بعدها تطلع لنا القائمة كاملة مثل كذا
وهذي بالنسبة للأسهم
لو اخترنا أي سهم من الاشكال الموجودة ورسمناه بالصورة .. نقدر نغير من شكله وسماكته وبعض الاشياء الثانية مثل كذا
والحركات هذي اقدر أسويها اذا ضغطت على السهم يطلع لي المربع الي تشوفونه جنب الأسهم .. واغير على الشكل الي يعجبني
عندنا الأشكال الي بعدها
وهذي فيها خيارين مثل مهو واضح بالصورة Accentوالي تحته Cursors وكل وحدة فيها أشكال تختلف عن الثانية
اذا اخترت أحد هالاشكال أقدر أغير من شفافيته بالطريقة هذي
اختار من الدوائر مقدار الشفافية أو اروح لخيار More اذا حبيت أحدد شفافية غير المقترحات الموجودة
الحين وبشكل مختصر نروح للقائمة الثانية من برنامج التعديل الي هي Image
1- نقدر نتحكم بالصورة من ناحية التحديد والتقطيع وتغيير الحجم والدوران
2- أشكال لاطار الصورة
3- تأثيرات رهييييبة على الصورة .. وميزتها انها سهلة وتقدر تشوف التأثير يطلع على الصورة بمجرد انك تحط الماوس على التأثير
يعني مهو لازم كل شوي تختار تأثير وتشوف هو زين ولا لا .. مجرد انك تمرر الماوس على الخيارات يبين لك التأثير على الصورة
وهالتأثيرات وباقي المميزات اخليكم تستكشفونها بأنفسكم < لقى مخرج انه مايشرح
هنا لتحميل النسخة الأخيرة من البرنامج
وهذا برنامج مولد أرقام التسجيل
بالنسبة لتسجيل النسخة عشان تصير كاملة افتح برنامج مولد السيريال ويجيك مثل كذا
عندك بالخيار الثاني Type أختر أي شي وبالنسبة لي اخترت Single User
بعدين اضغط على Generate وتلاحظ ان الارقام بخانة Serial تتغير
انسخ الارقام هذي وحطها في البرنامج
من خطوات التنصيب يجيك الخيار هذا وطبق نفس الي بالصورة
واذا حصل انك ثبت البرنامج ولا حطيت التسجيل هنا تقدر تحطه من خيارات البرنامج بالطريقة هذي
من واجهة البرنامج الرئيسية اضغط على Help بعدين مثل الي موضح بالصورة
يطلع لك مربع تدخل فيه الاسم ورقم التسجيل الي نسخناه قبل ومبرك عليك النسخة كاملة
والعذر والسموحة ياطويلين العمر على القصور .. بس حبيت أعطيكم فكرة لو بسيطة عن البرنامج وان شاءالله يكون أعجبكم
...
الموضوع بجهد الأخ dabbler
فجزاه الله الف خير
|