الله علـى الــلــي لا فتــحـنــا لبــابـــه= حــيــر فـخـامه بيـن كشنـه و طبلون
جيب(ن) على الشدات عزم و صلابه =اللــكزس الــلي قــيمــته ربـع مليون
أبـيـض كما ثـلج(ن) ركـم من سحابه= الا ان فــيــه الــلــمـــعه اللي يقولون
إلى ضـرب خـط (ن) تطـارد سـرابه= مايمله اللي ماسك(ن) للدركــســـون
يلـفي لابـو متـعب عـزيـز(ن) جنـابه= اللي لفعل الطيب حاضر و ممنـــون
مـا خـاب منـهــو بالـلـوازم هــقـا بـه =ويسلم أبو متعب عن العيب مصيون
دايــم عــلى الجـزله يـتعـب ركـابـــه= يحثها ماقـــال امــشي على الهــــون
حـيـه وحي اسـلوبـه الـلي مـشى بــه= ريف الضيوف اللي علىالبيت يلفون
الـلي نـصا لـحـمود يـحسـب حـسابـه= يفداه منهو كل يوم(ن) عـــلى لــــون
مـن لابـة(ن) مابـيـن طـيب و مهابـه =اللي لـصعــبات المشــاكل يحلـــــون
من السـمـان الـلي تجـيـب الـكـسـابـه= يوم الملاقا بين طاعــن و مطعــــون
لا جـا نـهـار(ن) للـعدو يـنـدعـى بـه =على المخاطر يابن الأكرام تاطــــون
وذخر(ن) لمنهوضاق كل الفضا بـه =الأرض ضاقت واتبع الأرض بالكون
ونعم(ن) بكم مضمون كل الاجـابــه =واخص منهو مثل الطيب ما يهـــــون
وارفع لها البيرق بعــالي هضــابـــه= وافخر و اماري واتجرا بلا هــــــون
من شان أبو متعب أحس الـرهــابــه= كريم طيب فـيصلي حـــد مــسنــــون
حمود متعب كل طيب(ن) حظى بـه= شي(ن) مثبت ماهو بهرجة يقولـــون
بمدحه ماأوفي لو تطـول الكــتــابــه= وعد الحجيج اللي لبيته يحجـــــــــون
على النبي صلاه سيــد الـصحــابــه= تحية(ن) تصدق بلا شك وظنـــــون
يختم بها المرسل نهــاية خــطــابــه =تحية(ن) شعت كما البرق بمـــــزون