السلام عليكم ورحمة الله وبركاته

بداية ً اعتذر من الجميع عن الانقطاع نظرا لظروف الدراسة
واشكر جميع الاخوان هنا على حرصهم ومتابعتهم
واخص اساتذتي سالم البشري وبيان الصمت
ولايهون البقية
.
.
ولكي اشارك الاخوان
هذي كسرة مع قصتها كتبتها قريب
وللجميع حق النقد وابداء الرأي
والصدور رحبة والحمدلله
v
v
v
v

كالعادة ماشي لحالي عل كمر الله يخليها ويطول بعمرها وماسك خط جدة الشرقية
ويوم اقبلت على الدمام شفت كشك قهوة شكله مزبرق ويفتح النفس
قلت خلني اخذ اي شي من عندهم يصحصح بي شوي لين اكمل الميتين كيلو الباقية
المهم اني صفيت سرى ويوم وصلت عند العامل طلبت ( كفي ) وقلت له حلا زيادة شوي
وكان لابس بذلة وعليها رقم ثمانية جنب الجيب
المهم اني لقيت ورقة ملصقة جنب الشباك وجلست اقرا اللي فيها على بال مايخلص العامل
ملخص الكلام المكتوب فيها
انهم يبغونك ترسل رسالة على رقم جوال حاطينه وتكتب فيها بس رقم العامل و رايك في شغل العامل أوفي الطلب اللي سواه
وحاطين ثلاث كلمات بالعربي والانقليزي

الاولى- ممتاز وتحتها
excellent
الثانية- جيد وتحتها
good
الثالثة- ضعيف وتحتها
poor

المهم اني سجلت الرقم مدري ليش
ويوم اني ذقت الكفي وشفت المسافة يبغالها حول ساعة ونص
قلت خلني ارسل رسالة
وارسلت لصاحب الجوال هذي الأبيات
v
v
طرقي تقهوى بقهوتكم
يوم القهاوي تحث السير
وقال فرصة يشاركّـم
يرسل لكم فالكفي تقرير
أثبت لي الطعم جودتكم
بس الحلا زاد شي يسير
ثمانية رقم عاملكم
و (GOOD) من عندنا التقدير
.
.

وسلامتكم
.
.
.